ਬਿਹਾਰ ਦੇ ਸੀਨੀਅਰ ਭਾਜਪਾ ਸੰਸਦ ਮੈਂਬਰ ਗਿਰੀਰਾਜ ਸਿੰਘ ਨੇ ਮੰਗਲਵਾਰ ਨੂੰ ਨਵੀਂ ਨਰਿੰਦਰ ਮੋਦੀ ਸਰਕਾਰ ‘ਚ ਕੇਂਦਰੀ ਕੱਪੜਾ ਮੰਤਰੀ ਵਜੋਂ ਚਾਰਜ ਸੰਭਾਲ ਲਿਆ ਹੈ। ਬੇਗੂਸਰਾਏ ਲੋਕ ਸਭਾ ਸੀਟ ਤੋਂ ਚੋਣ ਜਿੱਤਣ ਵਾਲੇ ਸਿੰਘ ਨੇ ਕੇਂਦਰੀ ਮੰਤਰੀ ਪੀਊਸ਼ ਗੋਇਲ ਦੀ ਜਗ੍ਹਾ ਲਈ ਹੈ। ਕੱਪੜਾ ਮੰਤਰੀ ਵਜੋਂ ਸਿੰਘ ਇਸ ਖੇਤਰ ਤੋਂ ਨਿਰਯਾਤ ਨੂੰ ਮੁੜ ਸੁਰਜੀਤ ਕਰਨ ਦੀ ਚੁਣੌਤੀ ਦਾ ਸਾਹਮਣਾ ਕਰ ਰਹੇ ਹਨ। ਕੱਪੜਾ ਨਿਰਯਾਤ ਵਿੱਤ ਸਾਲ 2022-23 ‘ਚ 35.5 ਅਰਬ ਡਾਲਰ ਸੀ ਅਤੇ ਇਹ 2023-24 ‘ਚ 3.24 ਫੀਸਦੀ ਘੱਟ ਕੇ 34.4 ਅਰਬ ਡਾਲਰ ਰਹਿ ਗਿਆ।
ਵਿੱਤ ਸਾਲ 2021-22 ‘ਚ ਕੱਪੜਾ ਨਿਰਯਾਤ 41 ਅਰਬ ਡਾਲਰ ਤੋਂ ਵੱਧ ਸੀ। ਮੰਤਰੀ ਨੇ ਚਾਰਜ ਸੰਭਾਲਣ ਤੋਂ ਬਾਅਦ ਪੱਤਰਕਾਰਾਂ ਨੂੰ ਕਿਹਾ,”ਦੇਸ਼ ਦੇ ਕੱਪੜਾ ਖੇਤਰ ‘ਚ ਰੁਜ਼ਗਾਰ ਪੈਦਾ ਕਰਨ ਦੀ ਸਭ ਤੋਂ ਵੱਧ ਸਮਰੱਥਾ ਹੈ। ਗਲੋਬਲ ਨਿਰਯਾਤ ‘ਚ ਵੀ ਇਸ ਦੀ ਚੰਗੀ ਹਿੱਸੇਦਾਰੀ ਹੈ।
