ਰੋਪੜ ਦੇ ਸਤਲੁਜ ਦਰਿਆ ਉਤੇ ਪੈਂਦੇ ‘ਤੇ ਅੱਜ ਸਵੇਰੇ ਬੱਚਿਆਂ ਨੂੰ ਸਕੂਲ ਲਿਜਾ ਰਿਹਾ ਇੱਕ ਆਟੋ ਨਾਲ ਹਾਦਸਾ ਵਾਪਰ ਗਿਆ। ਆਟੋ ਦੇ ਹੈਂਡਲ ਵਿੱਚ ਪਾਣੀ ਦੀ ਬੋਤਲ ਫਸ ਗਈ, ਜਿਸ ਕਾਰਨ ਆਟੋ ਬੇਕਾਬੂ ਹੋ ਕੇ ਪਲਟ ਗਿਆ। ਇਸ ਹਾਦਸੇ ਵਿੱਚ ਆਟੋ ਵਿੱਚ ਬੈਠੇ ਸਕੂਲ ਦੇ ਚਾਰ ਬੱਚੇ ਜ਼ਖਮੀ ਹੋ ਗਏ। ਜ਼ਖਮੀ ਹੋਏ ਸਾਰੇ ਬੱਚੇ ਪ੍ਰੇਮ ਨਗਰ ਪਿੰਡ ਦੇ ਰਹਿਣ ਵਾਲੇ ਹਨ।
ਰੋਡ ਸੇਫਟੀ ਫੋਰਸ ਦੇ ਏ.ਐਸ.ਆਈ ਕੁਲਬੀਰ ਸਿੰਘ ਨੇ ਦੱਸਿਆ ਕਿ ਅੱਜ ਸਵੇਰੇ ਕਰੀਬ 7:55 ਵਜੇ ਉਨ੍ਹਾਂ ਨੂੰ ਸੂਚਨਾ ਮਿਲੀ ਕਿ ਪਿੰਡ ਅੰਸਾਰ ਦਾ ਆਟੋ ਚਾਲਕ ਲਲਨ ਜੋ ਰੋਜ਼ਾਨਾ ਦੀ ਤਰ੍ਹਾਂ ਸਕੂਲੀ ਬੱਚਿਆਂ ਨੂੰ ਰੋਪੜ ਸਕੂਲ ਛੱਡਣ ਜਾ ਰਿਹਾ ਸੀ। ਅਚਾਨਕ ਆਟੋ ਦੇ ਹੈਂਡਲ ‘ਚ ਪਾਣੀ ਦੀ ਬੋਤਲ ਫਸ ਗਈ, ਜਿਸ ਕਾਰਨ ਆਟੋ ਕੰਟਰੋਲ ਗੁਆ ਕੇ ਪਲਟ ਗਿਆ।
