ਆਲੂ ਅਤੇ ਪਿਆਜ਼ ਦੀਆਂ ਕੀਮਤਾਂ ਵਧਾ ਸਕਦੀਆਂ ਹਨ ਰਸੋਈ ਦਾ ਬਜਟ

ਭਾਵੇਂ ਇਸ ਸਾਲ ਭਾਰਤ ਵਿੱਚ ਮਾਨਸੂਨ ਚੰਗਾ ਰਿਹਾ ਹੈ, ਫਿਰ ਵੀ ਪਿਆਜ਼ ਅਤੇ ਆਲੂ ਦੀਆਂ ਕੀਮਤਾਂ ਅਜੇ ਹੋਰ ਵਧਣ ਦੀ ਸੰਭਾਵਨਾ ਹੈ। ਆਲੂ ਅਤੇ ਪਿਆਜ਼ ਦੇ ਉਤਪਾਦਨ ਨੂੰ ਲੈ ਕੇ ਇਕ ਰਿਪੋਰਟ ਸਾਹਮਣੇ ਆਈ ਹੈ, ਜਿਸ ਨਾਲ ਰਸੋਈ ਦੇ ਖਰਚੇ ਫਿਰ ਤੋਂ ਵਧ ਸਕਦੇ ਹਨ। ਭਾਰਤ ਦਾ ਬਾਗਬਾਨੀ ਉਤਪਾਦਨ 2023-24 ਵਿੱਚ 0.65 ਫੀਸਦੀ ਘਟ ਕੇ 353.19 ਮਿਲੀਅਨ ਟਨ ਰਹਿਣ ਦੀ ਸੰਭਾਵਨਾ ਹੈ। ਜੂਨ ਵਿੱਚ ਜਾਰੀ 2023-24 ਲਈ ਦੂਜੇ ਅਗਾਊਂ ਅਨੁਮਾਨ ਵਿੱਚ, ਬਾਗਬਾਨੀ ਫਸਲਾਂ ਦਾ ਕੁੱਲ ਉਤਪਾਦਨ 352.23 ਮਿਲੀਅਨ ਟਨ ਹੋਣ ਦਾ ਅਨੁਮਾਨ ਹੈ।ਪ੍ਰਮੁੱਖ ਖੇਤਰਾਂ ਵਿੱਚ ਘੱਟ ਪੈਦਾਵਾਰ ਕਾਰਨ ਪਿਆਜ਼ ਅਤੇ ਆਲੂ ਦਾ ਉਤਪਾਦਨ 242.44 ਲੱਖ ਟਨ ਅਤੇ 570.49 ਲੱਖ ਟਨ ਰਹਿਣ ਦੀ ਉਮੀਦ ਹੈ। ਬੈਂਗਣ, ਰਤਾਲੂ ਅਤੇ ਸ਼ਿਮਲਾ ਮਿਰਚ ਵਰਗੀਆਂ ਹੋਰ ਸਬਜ਼ੀਆਂ ਦਾ ਉਤਪਾਦਨ ਵੀ ਘਟ ਸਕਦਾ ਹੈ, ਜਿਸ ਨਾਲ ਇਨ੍ਹਾਂ ਦੀਆਂ ਕੀਮਤਾਂ ਨੂੰ ਕੰਟਰੋਲ ਕਰਨਾ ਚੁਣੌਤੀਪੂਰਨ ਹੋ ਜਾਂਦਾ ਹੈ। ਇਸ ਨਾਲ ਖੁਰਾਕੀ ਮਹਿੰਗਾਈ ‘ਤੇ ਅਸਰ ਪੈ ਸਕਦਾ ਹੈ। ਭਾਰਤ ਵਿੱਚ ਪ੍ਰਚੂਨ ਮਹਿੰਗਾਈ ਅਗਸਤ ਵਿੱਚ 3.65% ਤੱਕ ਪਹੁੰਚ ਗਈ, ਜੋ ਕਿ ਜੁਲਾਈ ਵਿੱਚ 3.6% ਸੀ।