ਟੋਰਾਂਟੋ ਪੁਲਸ ਨੇ ਸ਼ਹਿਰ ਦੇ ਪੱਛਮ ਵਿਚ ਮੰਗਲਵਾਰ ਨੂੰ ਘੰਟਿਆਂ ਤੱਕ ਰੇਲ ਲਾਈਨਾਂ ਨੂੰ ਬੰਦ ਵਾਲੇ ਕਈ ਫਲਸਤੀਨ ਪੱਖੀ ਪ੍ਰਦਰਸ਼ਨਕਾਰੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਪ੍ਰਦਰਸ਼ਨਕਾਰੀ ਦੁਪਹਿਰ 3 ਵਜੇ ਦੇ ਕਰੀਬ ਜੰਕਸ਼ਨ ਨੇੜੇ ਔਸਲਰ ਸਟ੍ਰੀਟ ਅਤੇ ਪੇਲਹਮ ਐਵੇਨਿਊ ‘ਤੇ ਇਕ ਰੇਲਵੇ ਲਾਈਨ ‘ਤੇ ਇਕੱਠੇ ਹੋਏ ਅਤੇ ਕਿਹਾ ਕਿ ਉਨ੍ਹਾਂ ਨੇ ਉੱਥੇ ਘੰਟਿਆਂ ਤੱਕ ਰੁਕਣ ਦੀ ਯੋਜਨਾ ਬਣਾਈ ਹੈ।
ਟੋਰਾਂਟੋ ਪੁਲਸ ਦਾ ਅੰਦਾਜ਼ਾ ਹੈ ਕਿ ਘਟਨਾ ਸਥਾਨ ‘ਤੇ ਲਗਭਗ 100 ਤੋਂ 120 ਪ੍ਰਦਰਸ਼ਨਕਾਰੀ ਮੌਜੂਦ ਸਨ। ਸ਼ਾਮ 7:30 ਵਜੇ ਤੋਂ ਠੀਕ ਪਹਿਲਾਂ ਪੁਲਸ ਨੇ ਰੇਲ ਲਾਈਨਾਂ ਨੂੰ ਖਾਲੀ ਕਰਨ ਦੀ ਕੋਸ਼ਿਸ਼ ਕਰਦੇ ਹੋਏ ਪ੍ਰਦਰਸ਼ਨਕਾਰੀਆਂ ਨੂੰ ਗ੍ਰਿਫ਼ਤਾਰ ਕਰਨਾ ਸ਼ੁਰੂ ਕਰ ਦਿੱਤਾ। ਰਾਤ 9 ਵਜੇ ਤੋਂ ਥੋੜ੍ਹੀ ਦੇਰ ਬਾਅਦ ਪ੍ਰਦਰਸ਼ਨਕਾਰੀਆਂ ਵੱਲੋਂ ਇਲਾਕਾ ਖਾਲ੍ਹੀ ਕਰਨ ਮਗਰੋਂ ਸੜਕਾਂ ਮੁੜ ਖੁੱਲ੍ਹ ਗਈਆਂ।
