ਸ਼ਹੀਦ ਬਾਬਾ ਦੀਪ ਸਿੰਘ ਜੀ ਸਪੋਰਟਸ ਕਲੱਬ ਵੈਰੋਨਾ-ਵਿਚੈਂਸਾ ਵੱਲੋਂ ਵੈਰੋਨਾ ਨੇੜੇ ਕਰਵਾਇਆ ਗਿਆ “ਕਬੱਡੀ ਕੱਪ” ਬੈਰਗਾਮੋ ਦੀ ਟੀਮ ਨੇ ਪਹਿਲੇ ਸਥਾਨ ਤੇ ਰਹਿ ਕੇ ਜਿੱਤ ਲਿਆ। ਇਸ ਦੇ ਨਾਲ ਹੀ ਸ਼ਹੀਦ ਬਾਬਾ ਦੀਪ ਸਿੰਘ ਜੀ ਸਪੋਰਟਸ ਕਲੱਬ ਵੈਰੋਨਾ-ਵਿਚੈਂਸਾ ਦੀ ਟੀਮ ਦੂਜੇ ਸਥਾਨ ਤੇ ਰਹੀ। ਇਸ ਖੇਡ ਮੇਲੇ ਵਿੱਚ ਇਟਲੀ ਭਰ ਤੋਂ ਪ੍ਰਮੁੱਖ ਟੀਮਾਂ ਪਹੁੰਚੀਆਂ ਸਨ। ਸਾਰੇ ਹੀ ਮੁਕਾਬਲੇ ਬਹੁਤ ਹੀ ਫਸਵੇਂ ਤੇ ਦਿਲਚਸਪ ਸਨ।
ਖੇਡ ਮੇਲੇ ਦੌਰਾਨ ਵੈਰੋਨਾ-ਵਿਚੈਂਸਾ ਕਲੱਬ ਵੱਲੋਂ ਖੇਡੇ ਅਮਰੀਕਾ ਦੀ ਧਰਤੀ ਤੋਂ ਪਹੁੰਚੇ ਪ੍ਰਸਿੱਧ ਰੇਡਰ ਜਾਏਰੋ ਚਾਵੇਜ ਨੂੰ ਚੰਗੀ ਖੇਡ ਸਦਕਾ ਖੇਡ ਮੇਲੇ ਦਾ ਬੈਸਟ ਰੇਡਰ ਐਲਾਨਿਆ ਗਿਆ। ਜਦੋਂ ਕਿ ਜੈਪਾਲ ਲਸਾੜਾ ਅਤੇ ਬੂਟਾ ਸੋਹਲ ਜਗੀਰ ਸਰਬੋਤਮ ਜਾਫੀ ਐਲਾਨੇ ਗਏ।
