ਟਮਾਟਰ ਨਾਲ ਮਿਰਚਾਂ ਨੇ ਵੀ ਵਿਖਾਏ ਤਿੱਖੇ ਤੇਵਰ

ਹਰ ਸਬਜ਼ੀ ਵਿਚ ਸੁਆਦ ਵਧਾਉਣ ਵਾਲਾ ਟਮਾਟਰ ਇਨ੍ਹੀਂ ਦਿਨੀਂ ਆਪਣੇ ਤਿੱਖੇ ਤੇਵਰ ਵਿਖਾ ਰਿਹਾ ਹੈ। ਟਮਾਟਰ ਦੇ ਇਸ ਤਿੱਖੇ ਤੇਵਰ ਨੇ ਜਨਤਾ ਦੀ ਥਾਲੀ ਦਾ ਸੁਆਦ ਵਿਗਾੜ ਦਿੱਤਾ ਹੈ। ਲੋਕ ਟਮਾਟਰ ਖਰੀਦਣ ਨੂੰ ਲੈ ਕੇ 10 ਵਾਰ ਸੋਚ ਰਹੇ ਕਿ ਉਹ ਟਮਾਟਰ ਖਰੀਦਣ ਜਾਂ ਨਹੀਂ। 30 ਰੁਪਏ ਕਿਲੋ ਵਿਕਣ ਵਾਲਾ ਟਮਾਟਰ 100 ਰੁਪਏ ਕਿਲੋ ਵਿਕ ਰਿਹਾ ਹੈ। ਮੰਡੀ ਵਿਚ ਟਮਾਟਰ ਦੇ ਨਾਲ ਮਿਰਚਾ ਵੀ ਤਿੱਖੀ ਹੋ ਗਈ ਹੈ, ਉਸ ਨੇ ਵੀ ਆਪਣਾ ਤਿੱਖਾਪਣ ਵਧਾ ਦਿੱਤਾ ਹੈ।ਟਮਾਟਰ ਖਰੀਦਣ ਆਏ ਗਾਹਕ ਨੇ ਦੱਸਿਆ ਕਿ ਇਨ੍ਹੀਂ ਦਿਨੀਂ ਮਹਿੰਗਾਈ ਨੇ ਉਨ੍ਹਾਂ ਦੇ ਘਰ ਦਾ ਬਜਟ ਵਿਗਾੜ ਕੇ ਰੱਖ ਦਿੱਤਾ ਹੈ। ਟਮਾਟਰ ਇੰਨਾ ਮਹਿੰਗਾ ਹੋ ਗਿਆ ਹੈ ਕਿ ਗਰੀਬ ਵਿਅਕਤੀ ਲਈ ਟਮਾਟਰ ਖਰੀਦਣਾ ਮੁਸ਼ਕਲ ਹੋ ਗਿਆ ਹੈ।