ਰਾਜਸਥਾਨ ‘ਚ ਪਿਛਲੇ 24 ਘੰਟਿਆਂ ਦੌਰਾਨ ਕਈ ਥਾਵਾਂ ‘ਤੇ ਭਾਰੀ ਤੋਂ ਬਹੁਤ ਭਾਰੀ ਬਾਰਿਸ਼ ਦਰਜ ਕੀਤੀ ਗਈ। ਮੌਸਮ ਵਿਭਾਗ ਨੇ ਭਵਿੱਖਬਾਣੀ ਕੀਤੀ ਹੈ ਕਿ ਅਗਲੇ ਕੁਝ ਦਿਨਾਂ ਤੱਕ ਕਈ ਜ਼ਿਲ੍ਹਿਆਂ ਵਿੱਚ ਭਾਰੀ ਮੀਂਹ ਜਾਰੀ ਰਹੇਗਾ। ਮੌਸਮ ਵਿਗਿਆਨ ਕੇਂਦਰ, ਜੈਪੁਰ ਦੇ ਬੁਲਾਰੇ ਨੇ ਦੱਸਿਆ ਕਿ ਸ਼ਨੀਵਾਰ ਸਵੇਰੇ 8.30 ਵਜੇ ਖਤਮ ਹੋਏ 24 ਘੰਟਿਆਂ ਦੇ ਸਮੇਂ ਦੌਰਾਨ ਕੋਲਾਇਤ ਮਗਰਾ (ਬੀਕਾਨੇਰ) ਵਿੱਚ ਸਭ ਤੋਂ ਵੱਧ 195.0 ਮਿਲੀਮੀਟਰ ਬਾਰਿਸ਼ ਦਰਜ ਕੀਤੀ ਗਈ।ਬੁਲਾਰੇ ਅਨੁਸਾਰ ਇਸ ਸਮੇਂ ਅਜਮੇਰ ਦੇ ਮਸੂਦਾ ਵਿੱਚ 180 ਮਿਲੀਮੀਟਰ, ਬੇਵਰ ਦੇ ਨਯਾਨਗਰ ਵਿੱਚ 170 ਮਿਲੀਮੀਟਰ, ਅਜਮੇਰ ਦੇ ਪਿਸਾਂਗਨ ਵਿੱਚ 170 ਮਿਲੀਮੀਟਰ, ਅਜਮੇਰ ਦੇ ਮੰਗਲੀਆਵਾਸ ਵਿੱਚ 150 ਮਿਲੀਮੀਟਰ, ਰਾਜਸਮੰਦ ਦੇ ਭੀਮ ਵਿਚ 150 ਮਿਲੀਮੀਟਰ, ਅਜਮੇਰ ਦੇ ਟਾਟਗੜ੍ਹ ਅਤੇ ਨਾਗੌਰ ਦੇ ਮੇੜਤਾ ਸ਼ਹਿਰ ਵਿੱਚ 130-130 ਮਿਲੀਮੀਟਰ ਮੀਂਹ ਪਿਆ। ਬੁਲਾਰੇ ਅਨੁਸਾਰ ਸ਼ਨੀਵਾਰ ਸਵੇਰੇ 8.30 ਵਜੇ ਖ਼ਤਮ ਹੋਈ 24 ਘੰਟਿਆਂ ਦੀ ਮਿਆਦ ਵਿਚ ਹੋਰ ਥਾਵਾਂ ‘ਤੇ 10 ਤੋਂ 120 ਮਿਲੀਮੀਟਰ ਤੱਕ ਮੀਂਹ ਪਿਆ। ਉਨ੍ਹਾਂ ਦੱਸਿਆ ਕਿ ਸ਼ਨੀਵਾਰ ਸਵੇਰੇ 8.30 ਵਜੇ ਸੂਬੇ ਭਰ ‘ਚ ਜ਼ਿਆਦਾਤਰ ਥਾਵਾਂ ‘ਤੇ ਨਮੀ 85 ਤੋਂ 100 ਫ਼ੀਸਦੀ ਦੇ ਵਿਚਕਾਰ ਦਰਜ ਕੀਤੀ ਗਈ।
